Отисоци

Неретко при процесот на развивање на филмот, во моментите кога филмот треба да се исплакне од хемијата, развивачот и фиксирот, се случува да се остават траги на филмската лента. За добро чистење на филмот од хемикалиите, се препорачува околу дваесетина минути да се исплакне низ млаз ладна вода додека филмот е сѐ уште во Патерсоновиот сад.

За подобар и почист ефект се капнува малку течно средство за миење садови. Средството за миење садови на хемиска основа всушност е база, па на тој начин се постигнува баланс помеѓу киселините и солите во процесот на развивање. 

Но ни тоа не е гаранција за оставање траги.

Најчесто се оставаат водени или сапунести дамки додека филмот се суши. Тоа е резултат на недоволно плакнење. Неретко на филмот се прилепува прашина која при сушење остава дамки. Најфасцинантен ефект е отисокот.

Хемијата е уште свежа и не е врзана добро за филмот, па дури и најнежен допир на осветлената и развиена филмска лента остава вечен траг, небаре станува збор за отпечаток од сторител на кривично дело.

photo by, Vlad_R_Duck

„Дури и кога ми треперат прстите, јас не можам а да не се воздржам да те допрам.

Не знам само чив отисок е подлабок.

Дали твоите линии што се пронижиле низ мојава душа

која в понор погледот не го трга од твојата безвременска памучно мермерна биста

што ни Бернини самиот не би можел ко солза Богородична да ја вреже в мермер.

Или пак моите груби папили 

сакајќи да ја пренесат и покажат мојата осаменост, тебе,

јалово огрубуваат и секоја твоја природна појава

и ко враг ја погануваат секоја твоја чистина

која ми предизвикува срам и беда врз сопствената, моја,

душевна слика.“