Осветли ме ...

 

... Секоја светлина носи со себе и долга темна сенка....

„Момент на интима - Жана Дарк“ - Photo by, Vlad_R_Duck

Сети се кога си била млада

И кога моето сонце те греело непрестајно низ твојот внатрешен мрак.

 

Свети сега ти луд зраку што мртвиот мој труп го покриваш в мир.

 

Ти светлино остра

Што како дијамант сече и низ најстудените нерви на моиве истенчени мозочни ќелии,

Прошетај се мирно како низ градина елисејска

И рај пружи

Секому чија што душа в немир

Туѓа сила слободата ја одзела.

 

Тргни го од плеќиве на мојот јалов брод

Чие кормило нема правец

Оној челичен јарбол

Продуван од железни ветришта

И дај ми правец

За душава моја

В преграб да влезе

Во блаженство твое

И сиот мир ти го пружи

За поколенија твои

Го засечат овој суров свет

И нова надеж дадат

За не сигурниот патоказ

Што бесцелно породот јалов

В смрт ги води...